Elbasani është kryeqendra e festimeve të Ditës së Verës për katër ditë, nga mbrëmja e 12 marsit deri më 15 marsin, me aktivitete, lojëra, panaire dhe koncerte.
Kryebashkiaku Gentian Llatja deklaroi në A2 CNN se festimet janë menduar kryesisht për qytetarët, jo për makinat. Ai përcaktoi zona parkimi:
- Për vizitorët nga Tirana: pranë Doganës së Elbasanit, Ura e Zaranikës dhe stacionit të trenit.
- Nga Korça, Pogradeci, Librazhdi dhe Prrenjasi: në hyrje të qytetit, pranë Parkut Rinia dhe ish-Konservimit.
- Nga Cërriku ose Fusha e Elbasanit: pranë terminalit të autobusëve dhe shkollës së formimit profesional.
Nga pasdite e 13 marsit bllokohen bulevardi kryesor, rruga Rinia, rruga 28 Nëntori, ndërsa në rrugën Qemal Stafa dhe zonën pranë bashkisë ka kufizime.
Plani i Policisë
Policia e Elbasanit ka vendosur masa për 13-14 mars, me gatishmëri të plotë të strukturave, prezencë të shtuar në zona festimesh, akse rrugore dhe hyrje-dalje të qytetit.
Bllokohet për 48 orë segmenti nga Elbasan Arena në rrethrrotullimin 1 Majit. Ndalohet parkimi në qendër dhe bulevardin Aqif Pasha. Policia Rrugore do të orientojë trafikun drejt:
- Nga lindja (Ura e Bakallit): Parku i Mallrave.
- Nga jugu (Kryqëzimi i Cërrikut): Shkolla e Formimit Profesional dhe parkimi pranë varrezave publike.
- Nga perëndimi (Kryqëzimi i Luleve): shkolla profesionale Sali Ceka, pranë Doganës dhe parkimi stacion trenit.
Autobusët Tiranë-Elbasan stacionohen pranë Doganës ose shkollës profesionale, ndërsa Elbasan-Cërrik tek ish-ofiçina në rrugën Ura, pranë tregut industrial.
Bashkia dhe policia bashkëpunojnë për menaxhimin e fluksit të mijëra vizitorëve, duke kërkuar respektimin e udhëzimeve për festë të sigurt.
Përditësime
Bashkia e Elbasanit ka zgjatur kufizimet e qarkullimit nga 12 deri në 15 mars 2026.
Ndër masat e reja:
- Bllokim 24-orësh më 12 mars nga Teatri Skampa deri te rrethrrotullimi 1 Majit.
- Bllokim 24-orësh më 15 mars nga Elbasan Arena deri te rrethrrotullimi 1 Majit.