Ngjarja e rëndë ka ndodhur në rrugën Via Montiglio, pranë zonës së Via Pineta Sacchetti në pjesën veriore të kryeqytetit italian. Autoritetet policore, nën drejtimin e Skuadrës Mobile të Policisë së Romës, kanë nisur hetimet për zbardhjen e rrethanave të këtij krimi.
Sipas informacioneve, autori i dyshuar është një shtetas me të njëjtën kombësi si viktimat, i cili njihej nga familja. Hetuesit dyshojnë se autori ishte mik i çiftit dhe është futur në banesë pasi është pritur nga vetë viktimat. Pas sulmit ndaj prindërve dhe vajzës së mitur, autori dyshohet se është përleshur me djalin 20-vjeçar, Onion, i cili arriti të mbijetonte dhe të kërkonte ndihmë.
Policia italiane po punon intensivisht për identifikimin e plotë dhe kapjen e autorit, ndërkohë që motivet e këtij akti mbeten ende të paqarta.