Mazhoranca ka dorëzuar në Kuvend propozimin për ngritjen e komisionit të posaçëm për reformën territoriale. Kreu i grupit parlamentar të Partisë Socialiste, Taulant Balla, i ka bërë apel Partisë Demokratike për bashkëpunim në këtë proces.
Bashkëkryetari i Komisionit për Reformën Territoriale, Arbian Mazniku, i ftuar në emisionin “Real Story” të ABC News, ka theksuar se vonesat rrezikojnë një reformë jetike. Sipas tij, reforma duhet të përfundojë para zgjedhjeve, për t’u dhënë kohë institucioneve, forcave politike dhe qytetarëve të përshtaten.
Mazniku ka deklaruar se procesi duhet të zhvillohet mes korrikut dhe gushtit 2026, me mbyllje deri në korrik 2026. Kjo do të lejojë bashkitë të veprojnë dhe të përgatiten për fondet e kohezionit social të Bashkimit Europian, të cilat kërkojnë që bashkitë të jenë gati për vendet e reja anëtare.
Ai ka përmendur se mazhoranca ka qenë sistematike në komunikimet me kolegët e Partisë Demokratike, por janë humbur dy muaj të rëndësishëm. Reforma territoriale konsiderohet një moment historik që nuk duhet humbur për shkak të vonesave.