Ambasadori britanik në Kosovë, Jonathan Hargreaves, ka njoftuar se ministri i Mbrojtjes së Mbretërisë së Bashkuar, Lord Vernon Coaker, ka mbërritur në Kosovë.
Gjatë vizitës, Lord Coaker u takua me komandantin e misionit të KFOR-it, Gjeneral Major Özkan Ulutaş, si dhe me Gjeneral Brigade Schulte-Borghoff, drejtor i Ekipit Ndërlidhës Këshillues të NATO-s.
Në takim u diskutua situata aktuale e sigurisë në Kosovë, roli i KFOR-it në ruajtjen e një mjedisi të sigurt për të gjithë banorët, si dhe kontributi i vazhdueshëm britanik për paqen dhe sigurinë në rajon.
Lord Coaker riafirmoi angazhimin e Mbretërisë së Bashkuar ndaj misionit të KFOR-it të NATO-s.
Njoftimi u bë përmes një postimi në rrjetet sociale nga ambasadori Hargreaves, i cili shkroi se e mirëpritën ministrin sonte në Kosovë.