Ministri i Mbrojtjes, Ermal Nufi, përfaqësoi Shqipërinë në takimin e ministrave të mbrojtjes të vendeve anëtare të NATO-s, zhvilluar më 18 qershor në Bruksel. Takimi u fokusua në përcaktimin e prioriteteve të Aleancës për forcimin e mbrojtjes kolektive përballë sfidave të sigurisë ndërkombëtare.
Gjatë punimeve, pjesëmarrësit theksuan domosdoshmërinë për ruajtjen e unitetit mes vendeve anëtare, forcimin e kapaciteteve mbrojtëse dhe rritjen e gatishmërisë operacionale për t'u përballur me kërcënimet në zhvillim.
Në një reagim pas takimit, ministri Nufi vlerësoi se bashkëpunimi ndërmjet aleatëve, investimet në mbrojtje dhe modernizimi i kapaciteteve ushtarake janë elementë thelbësorë për garantimin e paqes dhe vlerave të përbashkëta. Ai rikonfirmoi angazhimin e Shqipërisë për të vazhduar kontributin e saj të pandërprerë në kuadër të Aleancës, duke e forcuar rolin e vendit si një aleate e përkushtuar dhe faktor stabiliteti në rajon e më gjerë.
Përditësime
Ministri Nufi mori pjesë në takimin e 35-të të Grupit të Kontaktit për Mbrojtjen e Ukrainës në Bruksel. Me këtë rast, Shqipëria rikonfirmoi mbështetjen e saj për sovranitetin dhe integritetin territorial të Ukrainës.