Ministri i Bujqësisë dhe Zhvillimit Rural, Andis Salla, gjatë një vizite zyrtare në Bruksel, zhvilloi një takim me Drejtoreshën e Përgjithshme të Drejtorisë së Bujqësisë në Komisionin Europian, Elisabet Werner.
Gjatë takimit u diskutua progresi i Shqipërisë në përthithjen e fondeve europiane për bujqësinë dhe zhvillimin rural, si dhe hapat e mëtejshëm për zbatimin efektiv të programit IPARD III.
Ministri Salla e cilësoi takimin si të frytshëm. Ai tha se gjatë bisedës u vlerësua ecuria pozitive e Shqipërisë në përmbushjen e detyrimeve që lidhen me këtë program, duke krijuar më shumë mundësi financimi për fermerët dhe agrobizneset shqiptare.
Salla theksoi se rritja e aksesit në fondet e Bashkimit Europian dhe modernizimi i sektorit bujqësor mbeten prioritet i rëndësishëm në rrugën e Shqipërisë drejt integrimit europian.
Përditësime
Ministri Salla, në Bruksel, deklaroi: „Një takim i frytshëm me Drejtoreshën e Përgjithshme të Drejtorisë së Bujqësisë në Komisionin Europian, Elisabet Werner, ku diskutuam mbi progresin e Shqipërisë në përthithjen e fondeve europiane për bujqësinë dhe zhvillimin rural, si dhe mbi hapat e mëtejshëm për zbatimin efektiv të programit IPARD III.“