Demo Berisha, ministër i të Drejtave të Njeriut dhe të Pakicave në Qeverinë e Serbisë, deklaroi më 5 shkurt se të drejtat e shqiptarëve në Serbi "nuk janë shkelur". Kjo erdhi duke komentuar kërkesën e ligjvënësve amerikanë drejtuar Departamentit të Shtetit për të shqyrtuar pretendimet mbi diskriminimin e tyre.
Berisha theksoi se përfaqësuesit shqiptarë në jug të Serbisë "nuk duan" të bashkëpunojnë me të. "Nuk ka njeri në këtë shtet që mund të më bindë mua, pasi jam në krye të këtij ministrie, se të drejtat e njeriut të bashkëkombësve të mi janë shkelur. Ata nuk duan të bashkëpunojnë. Që kur jam ministër, pesë herë i kam ftuft për një takim. Nuk kanë ardhur", u shpreh ai në një intervistë për televizionin Pink.
Zgjedhja e Berishës në këtë post kritikua nga përfaqësuesit e pakicës shqiptare. Ata vlerësuan se ai "nuk përfaqëson shqiptarët, por një version të instrumentalizuar në shërbim të interesave të politikës serbe".
Shqiptarët në Luginën e Preshevës – kështu quhen komunat Preshevë, Medvegjë dhe Bujanoc në jug të Serbisë – shpesh ankohen për praktika diskriminuese nga autoritetet në Beograd. Zyrtarët e Qeverisë së Kosovës u bëjnë jehonë këtyre akuzave.
Projektligji amerikan
Anëtarët e Komitetit për Politikë të Jashtme të Dhomës së Përfaqësuesve të Kongresit amerikan votuan më 21 janar për një projektligj. Ky i kërkon sekretarit të Shtetit, Marco Rubio, të përgatisë një raport të plotë mbi gjendjen e pakicave në Serbi, me fokus te shqiptarët në Luginën e Preshevës.
Projektligji parashikon shqyrtimin e këtyre çështjeve:
- pasivizimin e adresave;
- kufizimet në përdorimin e gjuhës shqipe në institucionet publike;
- diskriminimin në arsim, përfshirë mosnjohjen e diplomave nga Kosova dhe mungesën e teksteve shkollore në shqip;
- çështje të tjera të ngjashme.