Përfaqësues të Ministrisë së Infrastrukturës dhe Transportit kanë zhvilluar një inspektim në terren për të vlerësuar ecurinë e punimeve në urën që lidh Zhabarin me Gushacin.
Sipas njoftimit zyrtar, procesi i ndërtimit po zhvillohet sipas dinamikës së paraparë dhe në përputhje me standardet e kërkuara të cilësisë. Autoritetet theksuan se përfundimi i këtij projekti pritet të ndikojë ndjeshëm në rritjen e sigurisë rrugore dhe forcimin e infrastrukturës ndërlidhëse mes dy zonave, duke u ofruar qytetarëve qasje më të lehtë dhe më të sigurt.
Ministria e Infrastrukturës dhe Transportit konfirmoi se do të vazhdojë mbikëqyrjen e pandërprerë të punimeve, me qëllim që projekti të përmbyllet brenda afateve kohore të vendosura dhe në pajtim me standardet më të larta të ndërtimit.