Pas raportimeve për grumbullim të ujit në një segment të autostradës Arben Xhaferi, Ministria e Infrastrukturës dhe Transportit ndërhyri menjëherë në terren për të sanuar situatën. Sipas njoftimit zyrtar, ekipet e mirëmbajtjes pastruan sistemin e drenazhimit, duke mundësuar largimin e ujit të akumuluar brenda një kohe të shkurtër.
Autoritetet theksuan se ky veprim ka rikthyer qarkullimin normal dhe të sigurt për të gjithë drejtuesit e mjeteve. Ministria e Infrastrukturës dhe Transportit konfirmoi se mbetet në monitorim të vazhdueshëm të rrjetit rrugor, ndërsa ekipet e mirëmbajtjes mbeten në gatishmëri të plotë për të ndërhyrë në çdo rast nevoje, me qëllim garantimin e sigurisë së pjesëmarrësve në trafik.