Ministria e Infrastrukturës dhe Transportit (MIT) njoftoi se gjatë natës së mbrëmshme janë evidentuar probleme në dy akse rrugore.
Në aksin Gjilan-Stanqiq u regjistrua erodim i dheut, ndërsa në aksin Pejë-Rugovë ndodhi bllokim i rrugës nga rrëshqitja e gurëve, duke krijuar rrezik për qarkullimin.
Ekipe mirëmbajtjeje reaguan menjëherë, duke dalë në terren për menaxhimin e situatës dhe sigurimin e segmenteve të prekura.
Në aksin Pejë-Rugovë, për gurin me përmasa të mëdha u konfirmua evitimi i rrezikut dhe hapja e njërës korsi. Segmentet janë sinjalizuar dhe ndodhen nën monitorim të vazhdueshëm.
Qarkullimi zhvillohet me kujdes të shtuar, ndërsa ekipet punojnë intensivisht për sanimin e plotë të situatës.
MIT thekson angazhimin për reagim të shpejtë dhe garantimin e sigurisë në të gjitha segmentet rrugore.