Ministria e Punëve të Brendshme (MPB) e Kosovës ka njoftuar rregullat për automjetet e regjistruara në vendet e huaja që lëvizin në trafikun rrugor të vendit. Këto udhëzime sqarojnë detyrimet ligjore për pronarët dhe shoferët, bazuar në Ligjin për Automjetet.
Zbatimi i plotë i rregullave nis më 15 mars 2026. Moszbatimi përbën shkelje të ligjeve të trafikut dhe shoqërohet me masa administrative sipas legjislacionit përkatës.
Rregullat kryesore
MPB-ja thekson këto pika:
• Automjeti në pronësi të shtetasi të huaj lejohet të qarkullojë deri në tre muaj nga data e hyrjes në Kosovë.
• Automjeti në pronësi të qytetarit të Kosovës lejohet të qarkullojë deri në tre muaj nga hyrja. Qytetari i Kosovës duhet të ketë të rregulluar lejen e qëndrimit të përkohshme ose të përhershme dhe ta tregojë kur kërkohet nga personi i autorizuar.
• Automjeti i regjistruar jashtë Kosovës nuk drejtohet nga shtetas kosovar pa praninë e pronarit dhe nuk autorizohet për qarkullim.
• Automjeti në pronësi të qytetarit të Kosovës me qëndrim të përkohshëm ose të përhershëm jashtë Kosovës mund të drejtohet nga qytetar tjetër i Kosovës, nëse ky i fundit ka qëndrim të ngjashëm në shtetin e origjinës së automjetit dhe posedon autorizim nga ai shtet.
Njoftimi synon të ndihmojë vizitorët dhe qytetarët për të qëndruar në përputhje me ligjet kosovare.