Baret, restorantet dhe hotelet në zonat turistike të jugut të Shqipërisë po përballen me mungesë punëtorësh sezonale, siç ndodhi edhe vitin e kaluar. Kjo situatë ka çuar në rritje të pagave për pozicione si sanitare dhe pjatalarëse deri në 1200 euro në muaj.
Sipas njoftimeve të agjencive të ndërmjetësimit të punësimit, kërkesa është e lartë në Ksamil, Sarandë, Dhërmi, Vlorës dhe zonën e Potamit. Për sanitare në hotele dhe resorte ofrohen 100-120 mijë lekë, ndërsa për pjatalarëse 120 mijë lekë. Bizneset në Shkëmbi i Kavajës kërkojnë punonjës për çadrat në plazh me paga deri në 80 mijë lekë.
Për të gjitha pozicionet, bizneset sigurojnë akomodim dhe ushqim falas. Drejtuesit e agjencive vërejnë se ofertat janë 20% më të larta se në sezonin e shkuar.
Albana Uku, drejtuese e një agjencie që ndërmjetëson punësimin e grave në këto pozicione, shpjegon se kërkesa përqendrohet në hotelet e Vlorës, Sarandës dhe zonës së Potamit. Pagat variojnë nga 800 deri në 1000 euro. Vitin e kaluar, shumë gra zgjodhën punën sezonal në vend të emigrimit si dado me paga rreth 1000 euro. Tani, 75% e kërkesës synon punonjës vendas, kryesisht gra, dhe kjo tendencë pritet të vazhdojë gjatë sezonit turistik.