Në moshën 79-vjeçare është ndarë nga jeta aktori dhe regjisori i njohur shqiptar, Gjergji Lala. Lajmi është bërë i ditur këtë të martë, ndërsa raportohet se ai ka ndërruar jetë në një spital në Itali, ku jetonte prej vitesh dhe ku ishte angazhuar në projekte të ndryshme kinematografike.
Gjergji Lala ka lindur më 6 dhjetor 1947 në Lushnjë. Gjatë karrierës së tij, ai dha një kontribut të çmuar në skenën shqiptare, duke realizuar një sërë rolesh në teatër dhe kinematografi. Ai numëron rreth 10 filma në filmografinë e tij, ku është shfaqur në role kryesore dhe dytësore.
Ndër punët e tij më të spikatura, publiku kujton rolin e Mihal Gramenos në filmin "Liri a Vdekje" (1979). Filmografia e tij përfshin gjithashtu tituj si:
- Tokë e përgjakur (1976)
- Nusja dhe shtetërrethimi (1978)
- Gjurmë në kaltërsi (1981)
- Në prag të lirisë (1981)
- Shtëpia jonë e përbashkët (1982)
- Një emër midis njerëzve (1983)
- Lumi që nuk shteron (1989)
Përditësime
Aktori Gjergji Lala është ndarë nga jeta në moshën 79-vjeçare. Ai njihet për kontributin e tij në kinematografi, ku spikat roli në filmin 'Liri a Vdekje', nën regjinë e Kristaq Mitros dhe Ibrahim Muçajt, ku luajti krah aktorit Timo Flloko.