Shyqyri Sako, piktori i filmit shqiptar, ka ndarë jetën më 15 maj 2026, në moshën 89-vjeçare. Lajmin e ka bërë të ditur Arkivi Qendror Shtetëror i Filmit me një postim në rrjetet sociale.
Ai zhvilloi 50 vite krijimtari. Sako studioi tre vjet në Moskë, në Institutin e Artit VGIG për piktor filmi, por nuk i përfundoi studimet. Më pas u diplomua në Tiranë dhe në vitin 1963 filloi punën në Kinostudio.
Si piktor, mori pjesë në realizimin e filmit të parë "Detyrë e posaçme" dhe në filma të tjerë deri në atë të fundit, "Plumba prej plasteline", në vitin 1997, kur doli në pension.
Sako u nderua me medaljon në festivalin e 4-ët të filmit shqiptar për punën me dekorat dhe rekuizitat në filmin "Mësonjëtorja". Ai krijoi gjithashtu një pjesë të madhe të koleksionit të afisheve të filmit, pjesë e trashëgimisë së Arkivit Qendror Shtetëror të Filmit.
Përditësime
Ergys Sako, djali i piktorit Shyqyri Sako, njoftoi vdekjen e të atit. Funerali do të zhvillohet të shtunën në orën 11:00 në varrezat e Tufinës, me ceremoninë në agjencinë funerale pranë ish-Ambasadës Jugosllave në Rrugën e Durrësit.
Shyqyri Sako, piktori i filmit që u lind dhe u formua artistikisht në Korçë, realizoi filma të njohur si Kapedani dhe Dimri i fundit. Ai ndahet nga jeta në moshën 89-vjeçare.