Artisti Shaban Zeneli, i quajtur "Bilbili i Çamërisë", ka ndarë jetën në moshën 67-vjeçare pas një beteje me një sëmundje të rëndë. Lajmin e kanë bërë të ditur familjarët e tij.
Zeneli, origjinar nga Fieri, konsiderohej një nga zërat më përfaqësues të këngës çame në Shqipëri. Gjatë karrierës së gjatë artistike, ai u dallua për interpretimet autentike, duke ruajtur dhe përcjellë traditat muzikore të Çamërisë.
Këngët e tij kanë shoqëruar për vite me radhë publikun, veçanërisht në zonën e Fierit dhe më gjerë, ku gëzonte respekt si figurë e spikatur e artit popullor. Kontributi i tij ka pasur rëndësi në trashëgiminë e muzikës popullore shqiptare.
Ceremonia e përcjelljes së fundit zhvillohet sot në varrezat e qytetit të Fierit.