Hamit Kosta ka ndarë jetën në moshën 70-vjeçare pas disa kohësh në luftë me sëmundjen.
Ai ka qenë një figurë e njohur e jetës politike dhe publike në zonën e Peqinit. Kosta ka shërbyer si deputet i Partisë Socialiste në legjislaturën 2005-2009. Më parë, ka mbajtur detyrën e drejtorit të Burgut të Sigurisë së Lartë në Peqin.
Pasi u përjashtua nga PS për shkak të votës për zgjedhjen e Bamir Topit si president, Kosta iu bashkua PDK-së të drejtuar nga Nard Ndoka, pjesë e koalicionit qeverisës nën ish-kryeministrin Sali Berisha.
Sipas burimeve, Kosta vuante prej kohësh nga probleme shëndetësore. Përcillet sot drejt banesës së fundit. Lajmi ka sjellë trishtim te familjarët, miqtë dhe bashkëpunëtorët.