Në prag të sezonit turistik, ka filluar pastrimi i zonave bregdetare. Kryeministri Edi Rama ka ndarë pamje nga aksioni i pastrimit masiv në bregdetin e Velipojës dhe në Shirokë përmes një postimi në rrjetet sociale.
Krahas videos, Rama shkruan: "Mirëmëngjes dhe me këto momente nga pastrimi masiv në bregdetin e Velipojës dhe në Shirokë, ju uroj një fundjavë të mbarë". Postimi thekson angazhimin për mbrojtjen e mjedisit dhe përgatitjet për sezonin turistik.
Aksionet synojnë ruajtjen e mjedisit dhe përmirësimin e hapësirave publike. Ditën e djeshme u zhvillua një aksion tjetër për pastrimin e zonës bregdetare dhe pyllit të Sodës.