Kryeministri izraelit, Benjamin Netanyahu, ka thirrur një takim urgjent për çështjet e sigurisë, në një kohë kur shqetësimet për përshkallëzimin e konfliktit në Lindjen e Mesme janë në rritje. Sipas mediave izraelite, takimi po zhvillohet në selinë ushtarake “Kyria” në Tel Aviv, ku po diskutohen zhvillimet që lidhen me Iranin, Rripin e Gazës dhe Libanin.
Në këtë takim po marrin pjesë edhe ministri izraelit i Mbrojtjes, Israel Katz, si dhe zyrtarë të lartë të sigurisë. Mbledhja vjen si reagim pas sulmeve të kryera të dielën nga rebelët Huthi ndaj infrastrukturës në Arabinë Saudite, ku përfshihen aeroportet dhe objektet e kompanisë saudite të naftës Aramco.
Sipas raportimeve, një tjetër burim shqetësimi mbetet mundësia e përshkallëzimit të mëtejshëm të konfliktit mes Shteteve të Bashkuara dhe Iranit, çka mund të ndikojë drejtpërdrejt në situatën e sigurisë në të gjithë rajonin. Autoritetet izraelite janë duke shqyrtuar me kujdes situatën dhe rreziqet që lidhen me zgjerimin e konfliktit në zonë.