New York Times ka publikuar informacione mbi gjendjen e liderit suprem të ri të Iranit, Mojtaba Khamenei, duke raportuar se ai është plagosur në këmbë. Plagosja ka ndodhur në ditën e parë të luftës në Iran, më 28 shkurt.
Gazeta amerikane citon zyrtarë iranianë dhe izraelitë, të cilët konfirmojnë se 56-vjeçari ka pësuar lëndime në këmbë gjatë sulmeve të asaj dite.
Ndërkohë, në një tubim të madh në Teheran të martën u shfaq një portret prej letre i Mojtaba Khameneit, pasi ai nuk mundi të paraqitej personalisht. Kjo ngjarje u nda në rrjetet sociale nga llogaria Visegrád 24 në X (ish Twitter), shoqëruar me një fotografi të portretit.