Ministri në detyrë i Shëndetësisë, Arben Vitia, ka nënshkruar Udhëzimin Administrativ për shkollimin specialistik. Ai ka prezantuar tri politika të reja që synojnë të mbështesin profesionistët shëndetësorë.
Sipas ministrit, qytetarët nga viset shqiptare që deri tani paguanin 3000 euro në vit për specializim do të paguajnë tashmë 500 euro, njëjtë me qytetarët e Republikës së Kosovës.
Për herë të parë, specializantët që do të jenë në pushim të lehonisë do të vazhdojnë të marrin pagesë pas kthimit në specializim. Përvoja njëvjeçare e punës nuk do të jetë më kriter eliminues, por vetëm kriter poentues në procesin e përzgjedhjes.