Shërbimi i Kërkim-Shpëtimit Malor i Kosovës (SHKSHMK) ka njoftuar nisjen e një operacioni kërkim-shpëtimi në Majën e Hajlës, përgjatë kreshtës kufitare ndërmjet Kosovës dhe Malit të Zi.
Sipas informatave fillestare, bjeshkatari me inicialet C.F. dyshohet se ka rrëshqitur nga kreshta dhe ka humbur kontaktin me anëtarët e tjerë të grupit. Ekipet e shpëtimit nga të dyja shtetet janë angazhuar në mënyrë të koordinuar për të lokalizuar personin dhe për të ofruar ndihmën e nevojshme.
Kushtet atmosferike të pafavorshme, me reshje bore dhe dukshmëri të kufizuar, po e vështirësojnë operacionin. Terreni i vështirë dhe moti i keq kërkojnë bashkëpunim të ngushtë midis SHKSHMK-së, Shërbimit të Shpëtimit Malor të Malit të Zi dhe autoriteteve kompetente malazeze.
SHKSHMK ka premtuar se do të vazhdojë të njoftojë publikun për zhvillimet e mëtejshme në lidhje me këtë operacion ndërkufitar.
Përditësime
C.F., alpinist malazez, u gjet i vdekur në lokacionin 'Gropë' në shpatët e Majës së Hajlës (2407 m).
Grupi i bjeshkatarëve kroatë sinjalizoi SOS-in.
Operacioni i kërkim-shpëtimit nisi mbrëmë në faqen veriore, u pezullua gjatë natës për siguri dhe rifilloi sot në mëngjes.