Ka nisur sot në orën 17:00 seanca konstituive e legjislaturës së dhjetë të Kuvendit të Kosovës.
Vetëvendosja pritet të propozojë Albin Kurtin për kryeministër dhe Albulena Haxhiun për kryetare të Parlamentit. Po sot pritet të formohet një komision i përkohshëm për verifikimin e kuorumit dhe të mandateve të deputetëve, si dhe do të kryhet betimi i ligjvënësve.
Nënkryetarja e PDK-së, Vlora Çitaku, ka bërë të ditur se në seancën e parë të punës së Kuvendit do të kërkojnë miratimin e një rezolute për procesin në Gjykatën Speciale. Rezoluta u prezantua pak para seancës konstituive dhe gjatë ditës kur në Hagë u dha fjala e mbrojtjes së Hashim Thaçit, i akuzuar për krime lufte.