Prej orës 08:00 të 15 marsit ka nisur votimi për zgjedhjen e kryetarit të degës së Partisë Demokratike në Shkodër. Në këtë proces zgjedhor kanë të drejtë vote rreth 7100 anëtarë të kësaj force politike.
Procesi po zhvillohet në hollin e teatrit Migjeni, ku anëtarët mund të votojnë deri në orën 18:00. Në garë për drejtimin e degës janë Ardit Çylybyli dhe Gentian Ibro.
Pas mbylljes së votimit pritet të nisë menjëherë numërimi i votave dhe shpallja e fituesit, i cili do të drejtojë degën e PD-së në Shkodër. Përzgjedhja e kandidatëve u shoqërua me tensione gjatë javës së kaluar.
Përditësime
Ibro deklaroi se mbështet përjashtimin e 300 anëtarësh në Shkodër, ndërsa rivali Çylybyli u shpreh kundër.
Në Pogradec kanë nisur zgjedhjet për kryetarin e degës së PD-së midis 1800 anëtarësh, me kandidatë Kasëm Galla dhe Oligert Muçllari.
Deputeti Ivi Kaso komentoi procesin në Pogradec.
Ardit Qylybyli u zgjodh kryetar i degës së PD-së në Shkodër me 1083 vota, ndërsa rivali Ibro mori 687 vota.