Ka nisur protesta e 18-të qytetare me kërkesën kryesore për dorëheqjen e kryeministrit Edi Rama. Aktivisti Arben Kola, pjesëmarrës në këtë organizim, deklaroi para mediave se fokusi i protestës mbetet i pandryshuar.
"Protesta e sotme nuk ka shumë ndryshime nga ditët e tjera, fokusi është dorëheqja. Ky është fokusi kryesor", u shpreh Kola.
Një vëmendje e veçantë gjatë kësaj proteste i është kushtuar situatës së pensionistëve. Sipas Arben Kolës, ky brez përballet me vështirësi të shtuara, duke përfshirë mungesën e medikamenteve dhe pensione të pamjaftueshme. Ai theksoi se mosha e tretë është lënë pas dore si pasojë e shpopullimit dhe politikave të ndjekura nga sistemi 35-vjeçar, duke shtuar se protestuesit kanë një detyrim ndaj këtij brezi që ka kontribuar për vendin.