Pasditen e 23 janarit 2026, rreth orës 15:30, në rrugën e Pejës në Sllatinë të Fushë Kosovës, afër Villa Motel Pisha, policia mori njoftim për një person pa shenja jete.
Njësitë policore konstatuan se viktima kishte shenja jete, por ishte i gjakosur rëndë dhe në gjendje kritike, pa vetëdije. Ai kishte lëndime në fyt dhe kokë, dyshohet se u sulmua me mjet të mprehtë. Ekipi i Qendrës Kryesore të Mjekësisë Familjare (QKMF) i ofroi ndihmën e parë dhe e transportoi në QKUK për trajtim të mëtejshëm.
Sipas pamjeve nga kamerat e sigurisë, dyshohet se viktima kishte arritur në vendngjarje me veturën e tij bashkë me një person të panjohur. Kur policia mbërriti, vetura nuk ishte më aty dhe i dyshuari ndodhet në arrati. Hetimet po vazhdojnë për identifikimin dhe kapjen e tij.
Rasti u iniciua si lëndim i rëndë trupor, por pas konsultimeve me prokurorinë u rikualifikua si vrasje në tentativë. Në vendngjarje kanë qenë njësitë e hetimeve, forenzika, NJHP dhe prokurori kujdestar.
Përditësime
A.K., rreth 59-vjeçar, identifikuar si viktima, trajtohet në QKUK ku u pranua pa vetëdije.