Sot, më 13 Mars 2026, bëhet një vit nga dita kur ish-Presidenti i Kosovës Hashim Thaçi u lirua përkohësisht nga paraburgimi në Dhomat e Specializuara në Hagë për të vizituar babanë e tij, Haxhi Thaçi, i cili ndodhej në gjendje të rëndë shëndetësore në një spital në Kosovë.
Vizita zgjati pak dhe u zhvillua nën masa të rrepta sigurie. Takimi u cilësua si moment emocional dhe i rëndë për familjen Thaçi.
Vetëm disa ditë pas këtij takimi, Haxhi Thaçi ndërroi jetë. Në ditën e varrimit, Hashim Thaçi dërgoi një kurorë me mbishkrimin: «Në spital të thashë lamtumirë, babë! Nga Haga të them, mirupafshim në parajsë!».
Ndërkohë, procesi gjyqësor ndaj ish-krerëve të Ushtrisë Çlirimtare të Kosovës (UÇK) në Dhomat e Specializuara ka përfunduar. Gjykata është tërhequr për të marrë vendimin përfundimtar, i cili pritet të shpallet në muajt në vijim.
Në Kosovë, ky vendim po pretet me interes të madh publik. Shumë qytetarë dhe përfaqësues politikë shprehin besimin në pafajësinë e ish-udhëheqësve të UÇK-së dhe në karakterin çlirimtar të luftës së saj.
Procesi gjyqësor konsiderohet ndër çështjet më të rëndësishme që lidhen me luftën në Kosovë dhe pritet të ketë jehonë të gjerë politike e shoqërore.
Përditësime
Hashim Thaçi nuk u lejua të merrte pjesë në varrimin e babait të tij, veprim i kritikuar si jonjerëzor.
Disa ditë pas varrimit, autoritetet e lejuan të vizitonte familjen dhe varrin e babait, të shoqëruar nga eskortë e EULEX-it dhe një numër i madh policësh.
Qytetarët u mblodhën para klinikës, duke ovacionuar, thirrur emrin e Thaçit dhe UÇK-së, si dhe duke përshëndetur me dorë.