Oda Ekonomike e Kosovës ka kërkuar ndërhyrje të menjëhershme fiskale nga Qeveria për të frenuar rritjen e çmimeve të derivateve të naftës. Kjo thirrje vjen për shkak të zhvillimeve të fundit gjeopolitike në Evropë, të cilat kanë rritur çmimet e karburantit.
Rritja e çmimeve ka ndikim të drejtpërdrejtë në inflacion, rrit kostot e prodhimit, ul standardin e jetesës së qytetarëve dhe ngadalëson zhvillimin ekonomik. Për të mbrojtur bizneset prodhuese dhe konsumatorët, Oda Ekonomike e Kosovës propozon masa konkrete:
- Uljen e tatimit mbi akcizën për derivatet e naftës;
- Lirimin përkohësh nga TVSH për derivatet e naftës ose uljen e normës së TVSH-së.
Këto masa do të ulin çmimet përfundimtare, lehtësojnë barrën financiare dhe stabilizojnë tregun. TVSH-ja, e kombinuar me akcizën, ndikon drejtpërdrejt në çmimin e karburantit për konsumatorët.
Oda Ekonomike e Kosovës vë në dukje se masa të ngjashme kanë filluar të zbatohen në disa vende të Bashkimit Evropian dhe rajonit. Këto ndërhyrje synojnë të frenojnë rritjen e mëtejshme të çmimeve, të zvogëlojnë vështirësitë për bizneset dhe të parandalojnë rritjen e rrezikut të varfërisë.
Oda Ekonomike e Kosovës shpreh gatishmërinë për të ofruar ekspertizën e saj në hartimin e politikave fiskale që mbështesin zhvillimin ekonomik dhe stabilitetin e tregut.