Platforma Liria ka Emër ka njoftuar se sot, më 24 gusht 2026, në qytetin e Ferizajt do të vendoset simboli i njohur si Ora e Pritjes. Aktivitetit do t'i bashkohen qytetarët në sheshin e qytetit, duke filluar nga ora 20:30.
Ky veprim është ndërmarrë pas iniciativës së ngjashme të realizuar pak ditë më parë në kryeqytetin e Kosovës, Prishtinë. Ora e Pritjes shërben si simbolikë për kohën që ka mbetur deri në shpalljen e vendimit përfundimtar nga Gjykata Speciale në Hagë për ish-krerët e Ushtrisë Çlirimtare të Kosovës.
Sipas njoftimeve zyrtare të kësaj platforme, data e shpalljes së këtij vendimi nga trupi gjykues është caktuar për 16 shtator.