Ndryshimi nga ora dimërore në atë verore ndodh të dielën e fundit të marsit, pra më 29 mars 2026. Në orën 03:00, akrepat e orës zhvendosen një orë përpara dhe tregojnë 04:00. Kjo masë zbatohet si çdo vit në Evropë dhe synon kursimin e energjisë elektrike.
Ora verore mbetet në fuqi deri të dielën 25 tetor 2026. Gjatë kësaj periudhe shtatë mujore, falë dritës së diellit, kursehet rreth 210 orë energji.
Historia e ndryshimit të orës
Në vitet 1970, nën ndikimin e krizës së naftës, shumica e vendeve evropiane filluan ta përdornin këtë metodë për të shfrytëzuar më mirë dritën e ditës. Që nga viti 1996, Evropa ka një rregullore të përbashkët: në pranverë orët kthehen një orë përpara, ndërsa në vjeshtë një orë pas. Ndryshimi i parë provë u bë më 1932, nga 6 korriku deri më 1 shtator.
Kjo metodë zbatohet edhe në vende si Shtetet e Bashkuara dhe Franca.
Debati rreth efektivitetit
Ndryshimi i orës ka shkaktuar debate të shumta. Kritikët argumentojnë se ndikon negativisht në shëndet, duke rritur rrezikun për sëmundje kardiovaskulare dhe probleme të sistemit imunitar, për shkak të ndërprerjes së ciklit normal të trupit. Ata thonë se kursimi i energjisë nuk është gjithmonë i dukshëm.