Të dielën, më 29 mars 2026, zbatohet ndryshimi i orës për kalimin në orën verore. Në orën 03:00 të mëngjesit, akrepat do të zhvendosen përpara dhe do të shënojnë 04:00, duke humbur një orë gjumë, por duke fituar më shumë dritë natyrale gjatë ditës.
Kjo masë zbatohet në të gjitha vendet e Bashkimit Europian, sipas rregullave të përbashkëta për orën verore dhe dimërore. Ora verore do të qëndrojë në fuqi deri në të dielën e fundit të tetorit, më 25 tetor 2026, kur orët do të kthehen një orë mbrapsht për rikthimin në orën dimërore.
Qëllimi i ndryshimit është kursimi i energjisë dhe shfrytëzimi më i mirë i dritës natyrale gjatë muajve më të ngrohtë. Kjo praktikë zbatohet në Evropë prej dekadash, pavarësisht diskutimeve në nivel europian për mundësinë e heqjes së saj.
Pajisjet elektronike, si telefonat inteligjentë, kompjuterët dhe orët smart, kryejnë ndryshimin automatikisht. Përdoruesit e orëve analoge ose më të vjetra duhet ta rregullojnë manualisht orën.
Ekspertët këshillojnë kujdes për rutinën e gjumit gjatë ditëve të para pas ndryshimit, për shkak të ndikimit në ritmin e organizmit.