Presidentja e Kosovës, Vjosa Osmani, ka kujtuar përvjetorin e 37-të të grevës historike të urisë së minatorëve të Trepçës, të nisur më 20 shkurt 1989 nga rreth 1.350 minatorë.
Minatorët u ngritën kundër politikave shtypëse të regjimit hegjemonist serb dhe u barrikaduan në thellësitë e minierës së Stan Tërgut për tetë ditë radhazi. Me rezistencën e tyre, ata u shndërruan në simbol të guximit dhe dinjitetit, duke krijuar solidaritet e unitet popullor në mbarë Kosovën.
Sipas Osmanit, sakrifica e minatorëve dridhi themelet e një pushteti që promovonte diferencim e pabarazi. Ajo shkroi se kjo sakrificë u kthye në kushtrim lirie dhe dëshmoi se rruga drejt lirisë hapet nga guximi i atyre që nuk dorëzohen.