Organizata e Veteranëve të Luftës së UÇK-së (OVL UÇK) bëri të ditur se ka dorëzuar më 16 shkurt 2026 në Dhomat e Specializuara në Hagë një rezolutë të mbështetur nga 30 deputetë zviceranë.
Ky veprim erdhi me iniciativën e veprimtarit Sali Bislimi, në vazhdë të komunikimeve ndërkombëtare të organizatës. Dokumenti u dorëzua së bashku me kryetarin e OVL UÇK-së, Hysni Gucati.
Sipas OVL UÇK-së, kjo rezolutë vjen pas miratimit të rezolutave të ngjashme në Kuvendin e Shqipërisë dhe Kuvendin e Kosovës ditët e fundit. Ato kanë rritur, sipas organizatës, jehonën ndërkombëtare të kërkesës për respektimin e standardeve të drejtësisë.
Dokumenti përfaqëson një thirrje për drejtësinë ndërkombëtare që të respektojë standardet e drejtësisë dhe të sigurojë një proces gjyqësor të paanshëm. OVL UÇK thekson se do të vazhdojë angazhimin në nivel kombëtar dhe ndërkombëtar për mbrojtjen e vlerave të luftës çlirimtare dhe drejtësi të barabartë.