Spitali Onkologjik në Qendrën Spitalore Universitare “Nënë Tereza” është pajisur me akseleratorin e ri linear. Pacientja e parë është trajtuar me sukses në Njësia e Radioterapisë.
Ministrja e Shëndetësisë dhe Mbrojtjes Sociale, Evis Sala, ndau pamje nga procesi në rrjetet sociale. Mjekët specialistë theksojnë se aparatura siguron llogaritje të saktë të dozave të trajtimit për çdo pacient.
Teknologjia e re lehtëson identifikimin më të shpejtë dhe më të saktë të sëmundjes, duke mundësuar fillimin e terapisë në faza më të hershme. Autoritetet e shëndetësisë e konsiderojnë këtë pajisje hap të rëndësishëm për forcimin e shërbimeve onkologjike dhe rritjen e cilësisë së kujdesit shëndetësor.