Papa Leoni XIV ka bërë apel pas Lutjes së Engjëllit të Shenjtë për situatën në Ukrainë, duke u ndalur te ngërçi i negociatave me Rusinë dhe sulmet e fundit që kanë lënë civilët e ekspozuar ndaj të ftohtë të dimrit.
Ai shprehu hidhërim për vuajtjet e popullsisë ukrainase dhe kërkoi lutje për ta. Sipas tij, konfliktet dhe armiqësitë shkaktojnë vetëm pasoja të rënda, ndërsa dëmet më të mëdha i vuajnë civilët e pafajshëm. Vazhdimi i armiqësive zgjeron ndarjen midis popujve dhe largon një paqe të drejtë dhe të qëndrueshme.
Papa Leoni XIV deklaroi: “Edhe këto ditë, Ukraina po goditet nga sulme të vazhdueshme që i lënë popullsi të tëra të ekspozuara ndaj të ftohtit të dimrit. E ndjek me hidhërim atë që po ndodh, jam pranë dhe lutem për ata që vuajnë. Vazhdimi i armiqësive, me pasoja gjithnjë e më të rënda për civilët, zgjeron ndarjen midis popujve dhe largon një paqe të drejtë dhe të qëndrueshëm. I ftoj të gjithë të intensifikojnë më tej përpjekjet e tyre për t’i dhënë fund kësaj lufte.”
Deklarata nënvizon nevojën për një zgjidhje paqësore, ndërsa paqja duket ende e largët për shkak të vazhdimit të armiqësive.