Moti i keq me reshje të dendura shiu ka paralizuar qarkullimin e automjeteve në aksin Cërrik-Elbasan.
Sipas raportimeve nga vendngjarja, radhë kilometrike automjetesh janë krijuar në zonën e kryqëzimit të Cërrikut, ku drejtuesit e mjeteve kanë pritur në trafik për më shumë se një orë. Kjo ka shkaktuar vështirësi serioze në qarkullim dhe lodhje për qytetarët.
Situata është e përsëritur prej disa ditësh, duke vazhduar problemet për banorët e zonës. Edhe në prag të ndërrimit të viteve, aksi u përfshi nga fluksi i lartë i automjeteve, ku mijëra qytetarë pritën për orë të tëra në trafik, pavarësisht temperaturave nën zero.