Sipas të dhënave të Shërbimit Meteorologjik Ushtarak (SHMU), për ditën e mërkurë, 24 qershor 2026, vendi ynë do të ndikohet nga një situatë meteorologjike relativisht e paqëndrueshme.
Në pjesën e parë të ditës, moti parashikohet kryesisht i kthjellët. Megjithatë, duke filluar nga orët e mesditës dhe në vijim, priten alternime vranësirash mesatare deri të dendura në pjesën më të madhe të territorit, të cilat do të jenë më të theksuara në zonat lindore dhe jugore të vendit.
Reshjet e shiut parashikohen të jenë afatshkurtra, me intensitet të ulët dhe kryesisht në formë pikash. Përgjatë relieveve malore në juglindje dhe jug, reshjet do të shfaqen në formën e shtrëngatave, shoqëruar me shkarkesa elektrike.
Era do të fryjë me drejtim veriperëndim-juglindje me një shpejtësi mesatare prej 7 m/s. Përgjatë vijës bregdetare në veriperëndim, shpejtësia e erës do të arrijë hera-herës deri në 10 m/s. Ndërkohë, gjendja e detit në Adriatik dhe Jon do të paraqitet me valëzim të forcës 1-2 ballë.
Përditësime
Sipas njoftimit të Institutit të Gjeoshkencave, për datën 24 qershor 2026 parashikohet një rritje e temperaturave, ku vlera maksimale pritet të arrijë në 33 gradë Celsius.