Për ditën e sotme, vendi ynë do të ndikohet nga kushte atmosferike relativisht të paqëndrueshme. Moti parashikohet me kthjellime dhe vranësira, kryesisht gjatë orëve të mesditës dhe pasdites, ndërsa pas orëve të pasdites pritet mot i kthjellët në pjesën më të madhe të territorit.
Reshje shiu me intensitet kryesisht të ulët parashikohen në pjesën më të madhe të vendit, përjashtuar vijën bregdetare, gjatë periudhës së mesditës deri në pasdite. Në relievet malore të zonave lindore dhe juglindore, reshjet do të shfaqen në formën e shtrëngatave afatshkurtra, të cilat do të shoqërohen me shkarkesa elektrike dhe lokalisht me breshër.
Era do të fryjë me drejtim verilindje–veriperëndim, me një shpejtësi mesatare prej 7 m/s. Përgjatë vijës bregdetare dhe zonave luginore, era pritet të arrijë shpejtësi deri në 12 m/s. Valëzimi në detet Adriatik dhe Jon do të jetë i forcës 2-3 ballë.