Ditën e hënë, vendi ynë do të ndikohet nga kushte atmosferike relativisht të qëndrueshme. Moti parashikohet i kthjellët me alternime vranësirash të pakta deri mesatare, të cilat në orët e mesditës dhe pasdites do të dendësohen përgjatë relieveve malore në lindje.
Në këto zona malore parashikohen reshje të herëpashershme shiu me intensitet të ulët dhe shtrëngata të izoluara. Ndërkohë, përgjatë Ultësirës Perëndimore, përjashtuar vijën bregdetare, do të ketë reshje të dobëta shiu në formë pikash. Pas orëve të pasdites, reshjet pritet të ndërpriten në të gjithë territorin.
Era do të fryjë nga kuadrati i perëndimit me shpejtësi mesatare 7 m/s, ndërsa përgjatë vijës bregdetare dhe në lugina shpejtësia do të arrijë herë pas here deri në 12 m/s. Valëzimi në detet Adriatik dhe Jon do të jetë i forcës 1-2 ballë. Temperaturat maksimale për këtë ditë parashikohen të arrijnë deri në 37°C.