Ditën e premte, Shqipëria pritet të ndikohet nga kushte atmosferike të paqëndrueshme.
Moti parashikohet me vranësira mesatare deri të dendura dhe intervale afatshkurtra me diell përgjatë ultësirës perëndimore në pjesën e parë të ditës.
Vranësirat shoqërohen me reshje shiu fillimisht me intensitet të ulët në orët e mesditës në jug të vendit. Pas orëve të mesditës, reshjet shtrihen në të gjithë territorin me intensitet të ulët, me periudha afatshkurtra shtrëngatash lokale.
Temperaturat maksimale parashikohen të arrijnë deri në 20 gradë Celsius, ndërsa ato minimale 9 gradë Celsius.
Era fryn nga drejtimi verilindje-juglindje me shpejtësi mesatare 6 m/s, e cila hera-herës pritet të fitojë shpejtësi deri në 17 m/s.