Të enjten, Shqipëria parashikohet të ketë mot të paqëndrueshëm me vranësira mesatare deri të dendura në të gjithë territorin.
Reshjet e shiut të herëpashershme me intensitet të ulët do të jenë të pranishme që në orët e para të ditës deri në mëngjes në pjesën e madhe të territorit. Pas orëve të mëngjesit, këto reshje gradualisht humbasin intensitetin dhe sipërfaqen, duke mbetur vetëm në zonat qendrore dhe jugore deri në mesditë, po me intensitet të ulët.
Temperaturat maksimale pritet të arrijnë 18°C, ndërsa ato minimale 1°C.
Në zonat malore të verilindjes, lindjes dhe juglindjes, mbi lartësinë e 1200 m, do të bien reshje bore me intensitet të ulët.
Era do të fryjë nga drejtimi verilindje–juglindje me shpejtësi mesatare 7 m/s. Përgjatë bregdetit dhe në zonat luginore, shpejtësia e saj mund të arrijë deri në 12 m/s.
Përditësime
- Temperatura minimale në Korçë: 4°C.
- Temperatura maksimale në Shkodër: 14°C