Për ditën e enjte, 12 shkurt 2026, Shqipëria do të ndikohet nga kushte atmosferike krysisht të paqëndrueshme. Moti parashikohet me vranësira mesatare deri të dendura.
Reshjet e shiut priten të jenë të herëpashershme me intensitet të ulët që në orët e para të ditës deri në mëngjes, në pjesën më të madhe të territorit. Lokalisht në jug do të ketë reshje në formën e shtrëngatave afatshkurtra.
Gjatë ditës reshjet do të mbeten të herëpashershme me intensitet të ulët. Në veriperëndim, perëndim dhe jug priten hera-herës reshje shiu me intensitet deri mesatar në formën e shtrëngatave afatshkurtra, kryesisht në orët e pasdites dhe mbrëmjes.
Në zonën e Alpeve dhe relievet e larta malore verilindje-juglindje reshje dëbore me intensitet të ulët.
Temperatura dhe erë
• Temperaturat maksimale deri në 17 gradë Celsius.
• Temperaturat minimale në zero gradë Celsius.
• Era me drejtim juglindje-jug, shpejtësi mesatare 5 m/s; përgjatë vijës bregdetare dhe në zonat luginore deri në 13 m/s.
Valëzimi në detet Adriatik dhe Jon do të jetë i forcës 2-3 ballë.