Për ditën e shtunë, 4 korrik 2026, territori i vendit do të ndikohet nga kushte atmosferike relativisht të paqëndrueshme. Paraditja do të dominohet nga moti i kthjellët, ndërsa gjatë orëve të mesditës dhe pasdites pritet shtim i vranësirave në pjesën më të madhe të territorit.
Reshjet e shiut do të shfaqen në formën e shtrëngatave afatshkurtra, të shoqëruara me shkarkesa elektrike, duke u përqendruar kryesisht në zonat malore të lindjes dhe juglindjes. Në zona të caktuara nuk përjashtohet mundësia e rënies së breshërit. Pas orëve të pasdites, moti pritet të përmirësohet gradualisht, duke sjellë kthjellime në pjesën më të madhe të vendit.
Temperaturat do të regjistrojnë vlera minimale prej 17°C, ndërsa vlerat maksimale do të arrijnë deri në 34°C. Era do të fryjë nga drejtimi verilindor në atë veriperëndimor, me një shpejtësi mesatare prej 7 m/s. Në zonat bregdetare dhe luginore, intensiteti i erës pritet të rritet përkohësisht deri në 12 m/s.