Grupi Parlamentar i Partisë Demokratike ka vendosur të mos marrë pjesë në seancën plenare të parashikuar për të martën, 17 mars në orën 10:00, në Kuvendin e Shqipërisë.
Kreu i grupit parlamentar Gazment Bardhi deklaroi se seanca është e paligjshme, e thirrur në kundërshtim me Rregulloren e Kuvendit, jashtë ditës normale të zhvillimit të saj (e enjtja) dhe me një rend dite që përfshin vetëm miratimin e procesverbalit dhe njoftime.
Sipas Bardhit, kjo nuk është një seancë normale parlamentare, por një mbledhje për axhendën personale të kryeministrit Edi Rama dhe kryetares së Kuvendit Elisa Spiropali.
Ai theksoi se një parlament pa rend dite të miratuar, pa debat dhe pa të drejtë fjale për opozitën nuk funksionon si institucion demokratik, por shndërrohet në dekor për propagandën e qeverisë dhe dyqan personal që nuk i shërben interesit publik.
Bardhii shtoi se Parlamenti, në vend që të merret me problemet reale të qytetarëve dhe të ushtrojë kontroll mbi qeverinë, është kthyer në instrument antidemokratik në shërbim të kryeministrit, duke penguar drejtësinë në hetimin e korrupsionit dhe duke u bërë pengesë për anëtarësimin e plotë të Shqipërisë në Bashkimin Europian.
Opozita refuzon të bëhet pjesë e kësaj fasade parlamentare dhe zgjedh të jetë pranë qytetarëve.
Prioriteti i Partisë Demokratike këtë javë mbetet takimi me qytetarët në të gjithë vendin dhe mobilizimi për protestën e 22 marsit.
Përditësime
- Kryeparlamentari Niko Peleshi thirrri seancën plenare, jo Elisa Spiropali, sipas RTSH.
- Rendit e ditës përfshin votimin e rezolutës për shpalljen e Iranit si shtet sponsor i terrorizmit, sipas Top Channel.
- Gazment Bardhi akuzoi qeverinë se është kthyer në "rrezik kombëtar", sipas Lapsi.al dhe Top Channel.