Pas përfundimit të votimeve në Kuvendin Kombëtar të Partisë Demokratike më 30 maj 2026 dhe përpunimit të tabelave nga 13 Komisione të Numërimit, është shpallur lista e emrave fitues për anëtarë të Këshillit Kombëtar. Njoftimi zyrtar sqaron se në listë përfshihen edhe kandidatët që kanë marrë pikë të barabarta në kufijtë e listës.
Sipas partisë, vullneti i anëtarëve të Kuvendit Kombëtar ka çuar në tejkalimin e minimumit statutor për përfaqësimin e të rinjve, duke e rritur atë nga 15% në 30% të listës fituese. Gjithashtu, është shënuar respektimi i kuotave për përfaqësimin e grave dhe vajzave, një hap që sipas PD-së përputhet me mesazhin e ripërtëritjes dhe hapjes së partisë.
Në përputhje me pikën 2 të nenit 44 të Statutit, listës përfundimtare do t'i shtohen edhe 15% e anëtarëve përfaqësues të Diasporës. Këta anëtarë do të përzgjidhen në një fazë të dytë, përmes propozimit të Kryetarit të Partisë dhe miratimit nga Kryesia e PDSH.