Partia Demokratike dhe aleatët e saj historikë kanë pranuar iniciativën për të marrë pjesë në nismën e bashkimit të opozitës, të ndërmarrë nga Ermal Hasimja. Pas takimit të zhvilluar të premten në selinë blu, Hasimja njoftoi se tryeza e dialogut do të zhvillohet me përfaqësues të nivelit të dytë të partive, duke shmangur prezencën e kryetarëve, siç kishte kërkuar Adriatik Lapajt.
Takimet e Hasimja-s me subjektet opozitare synojnë krijimin e një fronti të vetëm përballë mazhorancës së Edi Ramës. Gjatë vizitës në selinë e PD-së, ai gjeti dakordësinë e strukturave të Sali Berishës dhe aleatëve tradicionalë. Kryedemokrati konfirmoi se mirëpret iniciativën pa vendosur kushte.
Tedi Blushi, numri dy i Partisë së Lirisë, vlerësoi bashkimin si të vonuar, por të mirëpritur nga partia e tij.
Në ditët në vijim pritet mbledhja e partive opozitare për të krijuar një front të përbashkët politik me qëllim rrëzimin e qeverisë.