Faton Peci, kryetari i Komunës së Mitrovicës, ka bërë të ditur se po hartohet një plan për Liqenin Akumulues të këtij qyteti. Qëllimi është pastrimi dhe zhvillimi i tij si një nga vendet më të bukura në Kosovë dhe si pikë e rëndësishme atraksioni turistik.
Peci ka postuar në Facebook një video ku shihet teksa lundron në liqen. Në postim ai shpjegon se në dy vitet e fundit gjendja e liqenit ka qenë tejet e rënduar. Për ta përmirësuar situatën, së bashku me Klubin e Zhytjes Trepça, janë realizuar disa aktivitete pastrimi.
"Në dy vitet e fundit, gjendja e liqenit ka qenë tejet e rënduar. Në funksion të kësaj, së bashku me Klubin e Zhytjes Trepça, kemi realizuar disa aktivitete të pastrimit", ka shkruar Peci.
"Jemi në fazën e hartimit të një plani për liqenin, si njërin nga vendet më të bukura në Kosovë, me potencial të madh për zhvillim të turizmit dhe shndërrimin e tij në një pikë të rëndësishme atraksioni", ka theksuar ai.