Drejtoria e Standardeve Profesionale në Policinë e Shtetit ka marrë masa disiplinore ndaj ish-drejtuesve të Policisë së Lezhës për shpërdorim detyre. Masa erdhën pas zbulimit të një kazinoje në qendër të qytetit dhe një magazine për kultivimin e kanabisit në rrugën nacionale Lezhë-Milot.
Masat disiplinore
- Taulant Gjoka, ish-zv/drejtori për Rendin: përjashtuar nga policia.
- Oltion Gjoni, ish-shefi i Komisariatit: përjashtuar nga policia.
- Altin Mena, ish-drejtor i Lezhës dhe aktualisht zv/drejtor për Rendin në Policinë e Kukësit: ulje në gradë për 5 vite.
- Kujtim Gjoka, zv/drejtor për Krimet: shtyrje e afatit të gradimit.
Sipas arsyetimit të Drejtorisë së Standardeve, gjatë periudhës së drejtimit të tyre funksiononte një kazino trekatëshe në mes të qytetit me mbi 20 makina lojërash dhe sallë pokeri. Gjatë ndërhyrjes u sekuestrua lëndë narkotike e dyshuar si kokainë. Po ashtu, një magazinë e përshtatur për kultivim kanabisi operonte në rrugën nacionale që nga gushti 2025, ku u sekuestruan mbi 1 mijë bimë kanabisi.
Zbulimet u bënë menjëherë pas emërimit të drejtorit të ri Islor Islami në Policinë e Lezhës. Kazinoja u godit ditë më parë, ndërsa magazine kanabisi pak ditë pas marrjes së detyrës nga Islami. Masa erdhën pas shkarkimit të Altin Menës nga drejtor i përgjithshëm policie Erjon Proda.
Burime nga Drejtoria e Standardeve njoftuan se pritet hetim nga Agjencia e Mbikëqyrjes Policore (AMP) ndaj këtyre ish-drejtuesve.
Përditësime
- Korrigjim: Drejtori i përgjithshëm i Policisë së Shtetit quhet Ilir Proda, jo Erjon Proda.
- Gjoka dhe Gjoni ishin përgjegjës për kontrollin e territorit në Policinë e Lezhës.