Komisioni i Ankimimit në Policinë e Shtetit ka ndryshuar masat disiplinore të vendosura më herët nga Drejtoria e Standardeve Profesionale ndaj ish-drejtuesve të Policisë së Lezhës dhe një drejtuesi në Fier. Vendimet u morën gjatë mbledhjes së zhvilluar të martën, 10 mars 2026, ku u shqyrtuan rreth 25 ankesa nga punonjës policie.
Për ish-drejtori i Policisë së Lezhës, Altin Mena, masën fillestare të uljes në gradë për 5 vjet e zëvendësoi shtyrja e afatit të gradimit për 3 muaj. Për ish-zëvendës-drejtori për Rendin, Taulant Gjoka, dhe ish-shefin e Komisariatit të Lezhës, Oltion Gjoni, të cilët fillimisht ishin përjashtuar nga radhët e policisë, u vendos shtyrje e gradimit përkatësisht për 6 muaj dhe 1 vit.
Në të njëjtën mbledhje, për zëvendës-drejtori i Policisë së Fierit, Oliger Torba, masën e uljes në gradë e anuloi dhe vendosi vetëm vërejtje.
Masat fillestare ishin marrë rreth një muaj më parë për moskryerje siç duhet të detyrës. Pas largimit të tyre nga detyrat në Lezhë, u zbulua një kazino e paligjshme dhe një magazinë e madhe me kanabis. Burime bëjnë të ditur se masat ishin kërkuar nga ish-drejtori i përgjithshëm i policisë, Ilir Proda.
Përditësime
Komisioni i Ankimimit:
- Vendosi shtyrje gradimi për 1 vit ndaj Mariglen Duçi, ish-shefit të Komisariatit të Policisë Dibër.
- Konfirmoi shkarkimin e Ilir Proda nga detyra.