Një person mbeti i plagosur paraditen e së enjtes, më 26 mars, në lagjen Besëlidhja të qytetit të Lezhës, pas një konflikti për një vend parkimi.
Sipas informacioneve paraprake, ai u godit me sende të forta gjatë përplasjes dhe pësosi lëndime. I plagosuri u transportua menjëherë në spital, ku po merr ndihmën mjekësore dhe ndodhet jashtë rrezikut për jetën.
Konflikti nisi për motive të dobëta, konkretisht për një vend parkimi. Policia mbërriti në vendngjarje dhe shoqëroi disa persona për t’i marrë në pyetje. Dy prej tyre u proceduan penalisht, ndërsa i dëmtuari bëri kallëzim në polici.
Grupi hetimor po vijon punën për zbardhjen e plotë të rrethanave të ngjarjes.