Një përleshje mes disa personave ka ndodhur rreth orës 19:30 të mbrëmjes së sotme në rrugën Anton Çeta, në lagjen Aktash të Prishtinës.
Zëdhënësi i Policisë për rajonin e Prishtinës, Enis Pllana, konfirmoi se një person dyshohet se është lënduar nga një mjet i mprehtë. I lënduari ka pranuar trajtim mjekësor.
Sipas Enis Pllanës, "Sot rreth orës 19:30, në rrugën Anton Çeta në Prishtinë, disa persona janë përfshirë në një përleshje fizike. Sipas informatave fillestare, një person dyshohet se është lënduar nga një mjet i mprehtë dhe i njëjti ka pranuar trajtim mjekësor".
Njësitë policore kanë ndërmarrë veprimet e nevojshme në vendngjarje. Në koordinim me Prokurorinë e Shtetit, po zhvillohen procedurat e mëtejme hetimore.